شعر ترکی برای سبد کالا
سبد کالا سوزین منده ائشیتدیم بو گئجه
قلبیدن خوشحال اولوب شیققیری ووردیم بو گئجه
آللاها شکر ائله دیم دولت تدبیره دعا
چون بیزی یاد ائلئییبدی بو گئجه محض خدا
دئدیم آرواد بو کلید ساز ائله بیل دوز کیشیدی
هر چتین مشکلی آسان ائله مک اوز ایشیدی
باغلا اُممید اونا شاید آچاجاق کور دوگونی
بئله احسان ائلئییر مللته یاغنان دوگونی
منده کی کاریگرَم آیلیقیمین آرتیمی یوخ
بو سبد کالا سینین بیز لره وار ارزشی چوخ
دوردی آرواد یئریمی سالدی یاتام صبح آییلا
تا سبد کالاسینین شهریده بمبی آچیلا
یوخوما گلدی تویوغ گوردوم اونی بیر تاوادا
آمما بیلمم نه اولوب اوشدی قانادسیز هاوادا
سحر اولدی خانیما عرض ائله دیم واقعه نی
گئجه مطبخده منی مبهوت ائدن فاجعه نی
ائشیدیب گولدی خانیم سویله دی زنبیل جیریلیب
او امید رشته سینین قیطانی بیر بیر قیریلیب
سبد کالا یئتیشدی دولوسی وارریلارا
بو شیدا سن کیمی بیچاره کاسیب یا بئکارا
کاریمند آلدی یئدی کاریگره چاتمادی پول
بئناوا دشمنه خاطر بو ایشی ائتدی قبول
وارریلار قالماسون آج یوخسولا آللاهدی کریم
قوی یئسین بلکه سسی چیخمییا بنگاه چی کریم
منده تدبیر و امیدیله دوزوم صبر ائلئییم
زاهدین چوخدی سوزی سینه ده امما دئمئییم
زاهد فخرآبادی
سعید